НА КОГО ДА ВЕРУВАМ, НА КУБУР ИЛИ НА...

.. Аирлија, премиерот Груевски ја продолжи предизборната кампања, во Полог, го пушти локалниот пат кој поврзува две села, направен и ставен во функција од минатата година. Да, за волја на вистината на националниот сервис, ТВ Сител, Алфа и Канал 5, не кажаа кога е изграден патот, та без срам, го препишаа на контото на Груевски, во делот - ветено остварено. И се е добро, но граѓаните од полошкиот регион беа фатени во небрано, тие незнаат сега кому да веруваат, на премиерот што се прави луд и им пушта "ганц нов пат" во должина од неколку километри, или онака збунети, да веруваат на сопствените очи, бидејќи тој пат веќе година дена како е направен и истиот го користат. Слушајќи ја веста, се сетив на еден интересен кумановски виц. Пукнал кубур да најави дека невеста Стојанка била девојка. Комшија Стојан, к'т чуја, излегол надвор, замислија се, врти с'с главу, преврќа очи...к'т ете гу жена му, та га прашуе што е тој толко што га мучи. Е жено, жено, голем с'клет ме фати, ти...чуја ли га кубур? Чуја га, како да не га чују, Стојанка била девојка. Е, виде ли, прашују се на кога с'к да верују, на кубур или на....незнам, незнам жено, бреј, ќе си пукну од с'клет! Така и во овој случај, исто како во споменатиот виц, кому и на што да веруваат збунетите граѓани. О Боже, дали го гледаш ова, дали гледаш дека лудите и натаму си ги онадат збунетите - како бавча, а гласноговорниците, фронтмените и разбирливо слободните, но добро контролирани медиуми, многу вешто, во предизборна обланда на македонската јавност и сервираат - ветуваме и остваруваме. Но, не ги покажаа дупките по должината на целиот пат по кој мораше да помине премиерот да дојде до другото село, за да пушти уште еден, овој помалку користен пат меѓу две села, во истиот регион...додуша недовршен, ама здравје боже, ќе биде. Засега циркус, а што е следно и уште што нема да видиме од овие чудаци...дали ќе останеме наивни и збунети за и натаму да не онадат како бавча, дали ќе треба да веруваме на кубурот или...ајде ќе видиме!